Nga Ksamili te Alpet, “Skyscanner” promovon Shqipërinë si destinacionin më ekonomik për pushime
Më 10 maj 2026 shënohet Dita Botërore e Zogjve Shtegtarë, një datë e rëndësishme ndërkombëtare që synon të rrisë ndërgjegjësimin për mbrojtjen e shpendëve dhe habitateve të tyre natyrore.
Organizatat globale për mbrojtjen e biodiversitetit theksojnë se kjo ditë duhet të shërbejë si një mundësi për aktivitete në natyrë, shëtitje dhe edukim mjedisor, veçanërisht për familjet dhe fëmijët.
Ekspertët e mjedisit nënvizojnë se zogjtë shtegtarë përballen me sfida të shumta gjatë migrimit, përfshirë humbjen e habitateve, ndotjen dhe ndryshimet klimatike. Për këtë arsye, ata apelojnë për veprime konkrete në mbrojtje të tyre.
Ndër rekomandimet kryesore për mbrojtjen e zogjve shtegtarë përfshihen mbjellja e bimëve autoktone, reduktimi i ndriçimit të tepërt gjatë natës, mbrojtja e insekteve nga pesticidet, si dhe mbajtja nën kontroll e kafshëve shtëpiake.
Gjithashtu, ekspertët theksojnë rëndësinë e reduktimit të përdorimit të plastikës dhe zgjedhjes së produkteve të qëndrueshme, të cilat ndihmojnë në ruajtjen e ekosistemeve natyrore.
