Ndeshje interesante në Superligën e Kosovës në futboll, luhet xhiroja e 23-të

Me ndeshjen Drita – Prishtina e Re hapet xhiroja e 23-të e Superligës së Kosovës në futboll.

Kjo ndeshje zhvillohet të shtunën nga ora 13:00.

Për të dy skuadrat ndeshja vlerësohet me peshë të madhe. Kampionia në fuqi, Drita, është në garë për titull. E mban vendin e dytë me 39 pikë, sa i ka edhe Ballkani në vendin e parë. Prishtina është e treta me 37 pikë.

Ndërkohë Prishtina e Re po lufton për mbetje në Superligë. Pas xhiros së 22-të është në vendin e nëntë, përkatësisht të parafundit, me 22 pikë. Kjo pozitë në fund dërgon në kategorinë e dytë.

Të dielën është ndeshja tjetër e rëndësishme mes Drenicës dhe Dukagjinit të Klinës. Zhvillohet në stadiumin “Bajram Aliu” në Skënderaj.

Të hënën janë plot tri ndeshje: Malisheva – Prishtina, Ferizaj – Gjilani, Llapi – Ballkani.

Të gjitha ndeshjet zhvillohen prej orës 13:00. /Koha.net/