Nga Ksamili te Alpet, “Skyscanner” promovon Shqipërinë si destinacionin më ekonomik për pushime
Trajneri i Manchester City, Pep Guardiola, ka befasuar me deklaratën e tij, kur u shpreh i kënaqur që mori një pikë ndaj Sunderland. “Citizens” barazuan 0-0 ndaj skuadrës që këtë sezon u rikthye në Premier League.
“Marrim pikën dhe i gëzohemi këtij rezultati. Pjesa e dytë ishte e shkëlqyer. Humbëm shumë raste. Nuk mundëm të shënonim në zonën e kundërshtarit”, tha Pep Guardiola.
“Sa herë ishim në zonën kundërshtare nuk mundëm t’i shndërronim rastet në gol. Vërtet jam i kënaqur me performancën e lojtarëve, veçanërisht në pjesën e dytë”, shtoi spanjolli.
“Në pjesën e parë, luftuam thjesht sepse luftuam kundër presionit të tyre, por Rodri na dha pasimin e dytë, për të thyer vijat, dhe ne mundëm të vraponim. Pjesa e dytë ishte shumë më e mirë”, deklaroi Guardiola.
Në fund, ai komentoi: “Ata janë kaq fizikë. Janë kaq të fortë, kështu që nuk është surprizë. Ne e marrim pikën. Është një rrugë e gjatë. Rezultati është gjithmonë ai që është“. /Telesport.al/
