Fillon zyrtarisht fushata zgjedhore për zgjedhjet parlamentare të 28 dhjetorit

Zyrtarisht sot në Kosovë ka filluar fushata zgjedhore për zgjedhjet e 28 dhjetorit. Për herë të katërt brenda të njëjtit vit duke shtuar edhe zgjedhjet e balotazhit në disa komuna, shumica e subjekteve politike në Kosovë, do të zhvillojnë fushatën e tyre zgjedhore në kërkim të mbështetjes së votuesve. Fushata zgjedhore për 24 subjektet politike me 1,180 kandidatë, do të zhvillohet nga sot më 17 dhjetor deri në orën 06:59 të datës 28 dhjetor.