Komisioni Qendror i Zgjedhjeve ka mirëpritur në takim ambasadorin britanik në Kosovë, Jonathan Hargreaves, raporton Gazeta Sinjali.
Siç njofton KQZ-ja, fillimisht ambasadori britanik u prit në zyren e kryesuesit të KQZ-së, Kreshnik Radoniqi, e më pas vizitoi ambientet e punës në KQZ dhe dhomën operative.
“Radoniqi e falënderoi ambasadorin Hargreaves për mbështetjen që Qeveria e Mbretërisë së Bashkuar i ka dhënë KQZ-së në zhvllimin e softuerit të ri për transmetimin e rezultateve dhe statistikave nga vendvotimet dhe procesin që zhvillohet në QKN dhe QNR.”, thuhet në njoftim.
Nga ana e tij, ambasadori britanik uroi për proces zgjedhor të mbarë dhe përgëzoi stafin e KQZ-së për punën në organizimin e zgjedhjeve.
