Si prodhohet djathi, një ndër specialitetet e Qumështores Gexha
Presidenti i FIFA-s, Gianni Infantino, ka kujtuar me respekt dhe admirimin të madh për figurën e legjendës së futbollit kosovar, Fadil Vokrri.
Në një intervistë të tij për FFK-n, Infantino theksoi se kontributi i Vokrrit ka qenë vendimtar jo vetëm për zhvillimin e futbollit në Kosovë, por edhe për përfaqësimin e vlerave të popullit kosovar në arenën ndërkombëtare.
Ai e quajti një privilegj të madh njohjen personale me ish-presidentin e FFK-së dhe theksoi rolin e tij të pazëvendësueshëm në anëtarësimin e Kosovës në UEFA dhe FIFA.
“E kam takuar shumë herë dhe nëse Kosovës është ajo që është sot si në aspektin e jetës futbollistike ashtu edhe si shtet, ai padyshim meriton shumë lëvdata. Ai përfaqëson qëndrueshmërinë dhe forcën e popullit të Kosovës. Për mua ka qenë privilegj i madh që ta njohë atë dhe nëse shohim se si është zhvilluar futbolli në Kosovë gjatë dhjetë viteve të fundit, që nga anëtarësimi në UEFA dhe FIFA, është diçka e jashtëzakonshme”, ka thënë Infantino. /KosovaPress/
