Devin Booker ka shkruar një faqe të re në historinë e NBA-së duke nënshkruar sot një kontratë dyvjeçare prej 145 milionë dollarësh me Phoenix Suns, që e bën atë lojtarin me pagën më të lartë vjetore në gjithë historinë e ligës.
Ky superyll i basketbollit amerikan do të qëndrojë me Suns deri në sezonin 2029-30, duke ‘siguruar’ një të ardhme të ndritur për skuadrën dhe duke i dhënë klubit një bazë të fortë për të luftuar për titujt e mëdhenj në sezonet e ardhshme.
Marrëveshja është një sinjal i qartë se klubi i Phoenix po beson fuqishëm te lidershipi i Booker, i cili ka qenë një nga lojtarët më të spikatur në NBA në vitet e fundit.
Fansat janë entuziastë dhe presin që ai të vazhdojë të shkëlqejë në parket, duke dhënë spektakël dhe duke udhëhequr Suns drejt suksesit.
Kjo kontratë rekord nuk është vetëm një fitore për Booker, por edhe për klubin që i jep një bazë të qëndrueshme dhe mundësi për të ndërtuar një skuadër kampione rreth tij.
Në horizont duket një epokë e re në Phoenix, ku ylli amerikan do të jetë boshti i skuadrës. /Albanianpost.com
