Policia në Gjermani nisi sot një operacion mbarëkombëtar duke synuar autorët e dyshuar të gjuhës së urrejtjes dhe nxitjes online.
Më shumë se 170 operacione janë planifikuar, të koordinuara nga Zyra Federale e Policisë Kriminale (BKA). Të dyshuarit akuzohen për nxitje të urrejtjes dhe fyerje të politikanëve, ndër të tjera.
Hetimet përqendrohen në deklaratat e ekstremit të djathtë të bëra online. Shumë raste përfshijnë gjithashtu fyerje penale kundër politikanëve, me më pak raste që kanë të bëjnë me postime ekstremiste fetare ose të ekstremit të majtë.
Herbert Reul, ministri i Brendshëm i North Rhine-Westphalia, shteti më i populluar i Gjermanisë, tha se” është e rëndësishme që autorët të zbulohen”.
“Zjarrvënësit digjitalë nuk duhet të lejohen të fshihen pas telefonave ose kompjuterëve të tyre”, tha Reul.
Në landin e tij, 14 nga afërsisht 130 hetimet mbarëkombëtare si pjesë e veprimit të së mërkurës kundër postimeve të urrejtjes janë në proces. /ATSH-DPA/
