Fisnik Asllani ka përfunduar një sezon të shkëlqyer me Elversberg në Bundesliga 2, ku ishte i huazuar nga Hoffenheim.
Sulmuesi kosovar shkëlqeu me 19 gola dhe 10 asistime në 37 ndeshje zyrtare, duke qenë një nga lojtarët më të mirë në Bundesliga 2.
Performanca e tij mbresëlënëse ka bërë që Transfermarkt t’ia dyfishojë vlerën nga 4 milionë në 8 milionë euro.
Pas përfundimit të huazimit, Asllani është rikthyer te Hoffenheim, klubi që zotëron kartonin e tij.
Megjithatë, e ardhmja e tij mbetet e pasigurt, pasi interesimi për 22-vjeçarin është i madh.
Werder Bremen, Fenerbahce, Lille dhe Stuttgart janë ndër klubet që e kanë në listën e dëshirave.
Në javët në vijim pritet të vendoset nëse Asllani do të qëndrojë te Hoffenheim apo do të transferohet drejt një aventure të re. /Telegrafi/
