Inspektorët e tregut dhe ata sanitar dolën sot në teren për të vëzhguar nga afër bizneset më saktësisht në Çarshinë e vjetër në Gjakovë.
Artan Hoxha, udhëheqës i sektorit për inspektime të Gjakovës po iu bën të ditur bizneseve rregullat që duhet të respektohen me qëllim të parandalimit të virusit Covid-19.
Pronarët e bizneseve shprehen se ne po mundohemi që me përpikmëri t’i respektojmë të gjitha masat parandaluese të përcaktuara nga Qeveria e Kosovës.
Mbrëmjet i kalojnë në baret e Gjakovës thuajse çdo natë. Qytetarët thonë që ata po i respektojnë masat.
Nga këtu u apelua që të gjithë të respektojnë masat antiCovid që rrezikshmëria të jetë më e ulët dhe të mbrohet shëndeti i të gjithë qytetarëve.
