Komiteti Ndërkombëtar i Shpëtimit, një organizatë e madhe e ndihmës humanitare, i kërkoi administratës Trump të “vazhdojë traditat e Amerikës për udhëheqjen humanitare dhe kujdesin për më të cenuarit”.
Organizata jofitimprurëse me bazë në Nju Jork i kërkoi gjithashtu administratës së re dhe Kongresit të “refuzojnë politikat që demonizojnë emigrantët dhe azilkërkuesit” dhe vuri në dukje se programi i SHBA për rivendosjen e refugjatëve ka shpëtuar jetë dhe ka forcuar strukturën e Shteteve të Bashkuara.
IRC udhëhiqet nga ish-diplomati i lartë britanik, David Miliband, dhe thotë se ofron shërbime ndihme për njerëzit e prekur nga krizat në më shumë se 40 vende./AP/
