Mesfushori i Manchester United, Mason Mount, ka pësuar një dëmtim të ri, i cili do ta mbajë jashtë fushës për të paktën pesë javë. Kjo ndalesë mbi njëmuajshe vjen pasi ai u zëvendësua në pjesën e parë të ndeshjes së fundjavës së kaluar në Premier League kundër Brighton.
Mount ka qenë titullar në tri ndeshjet e fundit, por dëmtimi i kofshës do ta bëjë atë të humbasë katër deri në pesë javët e ardhshme me “djajtë e kuq,” duke krijuar jo pak probleme për trajnerin Erik ten Hag.
Në rrjetet sociale, Mount shprehu zhgënjimin e tij: “Gjatë ndeshjes së fundit mora një dëmtim të vogël muskulor. Kam bërë një kontroll dhe duket se do të jem jashtë për disa ndeshje.”
Para dhe gjatë para-sezonit, ai kishte punuar shumë për të rikthyer aftësinë e tij dhe ndihej rigjeneruar, mendjemprehtë dhe gati. Megjithatë, Mount shtoi: “Jam i frustruar. Do të bëj gjithçka që mundem për t’u rikthyer në formë dhe për të ndihmuar ekipin.” Vitin e kaluar, një dëmtim serioz e kufizoi mesfushorin anglez në vetëm 14 paraqitje në Premier League. /Telesport.al/
