Lionel Messi i bëri shumë të qartë ndjenjat e tij kur u pyet nëse Michael Jordan është më i miri në historinë e NBA.
Messi dhe Jordan konsiderohen gjerësisht si më të mirët e sporteve të tyre.
Argjentinasi, i cili fitoi Kupën e Botës me kombëtaren e tij në vitin 2022, ka një rekord tetë tituj të Topit të Artë në emër të tij, pasi ka krijuar një karrierë legjendare.
‘MJ’, nga ana tjetër, fitoi gjashtë kampionate mbresëlënëse në NBA gjatë karrierës së tij legjendare me Chicago Bulls, teksa e kapërceu sportin e basketbollit.
Duke folur me gazetarin argjentinas Juan Pablo Varsky në një episod të Clank ! podcast, Messi tha: “Më duket, në aspektin sportiv, ai është më i madhi që ekziston por pasi keni parë serialin e tij dhe keni njohur pak më shumë rreth tij, ju e dini, “The last dance”, ai thjesht të merr mendjen, është një kryevepër, është mbresëlënëse.”
Ai shtoi: “Epo, kjo më afroi edhe më shumë me të dhe për të kuptuar pak më shumë se kush ishte. Është për të ardhur keq që nuk mund ta jetoja atë epokë personalisht, sepse do ta kisha dashur”./SPORTbible/
