Suedia konfirmoi rastin e saj të parë të variantit më ngjitës të lisë majmunit, një infeksion viral që përhapet përmes kontaktit të ngushtë, duke shënuar herën e parë që është gjetur jashtë Afrikës.
Personi u infektua ndërsa qëndronte në një pjesë të Afrikës ku kishte një shpërthim të madh të sëmundjes, tha në një konferencë për shtyp Olivia Wigzell, drejtore e përgjithshme në Agjencinë Suedeze të Shëndetit Publik.
Organizata Botërore e Shëndetësisë bëri njoftimin e saj mbi mpox, i cili përhapet përmes kontaktit të ngushtë, pasi një shpërthim në Republikën Demokratike të Kongos u përhap në vendet e afërta të një lloji më serioz të sëmundjes.
“Tani edhe gjatë pasdites kemi pasur konfirmim se kemi një rast në Suedi të llojit më të rëndë të mpox-it, ai i quajtur Clade I”, tha në konferencën për shtyp Ministri i Shëndetësisë dhe Çështjeve Sociale Jakob Forssmed.
Wigzell tha se personi i infektuar kishte marrë kujdes dhe udhëzime në përputhje me rekomandimet e agjencisë shëndetësore.
“Rasti është i pari i shkaktuar nga Clade I që është diagnostikuar jashtë kontinentit afrikan. Personi i prekur gjithashtu është infektuar gjatë një qëndrimi në një zonë të Afrikës ku ka një shpërthim të madh të mpox Clade I”, tha ajo./CNN/
