Ukraina ka nevojë për më shumë armë me rreze të gjatë për të luftuar kundër forcave ruse që po përparojnë në rajonin e Kharkiv, ku situata në fushën e betejës është “shumë dramatike”, tha sot Ministrja e Jashtme gjermane, Annalena Baerbock.
Në margjinat e takimit të ministrave të jashtëm të Këshillit të Europës në Strasburg, ajo tha se ishte e rëndësishme të ndërpriteshin rrugët ruse të furnizimit dhe t’i dorëzoheshin armë Ukrainës që mund të përdoren në distanca të mesme dhe të gjata.
Ajo theksoi se Berlini po bashkëpunon me partnerët e tij për këtë çështje dhe se situata në front është “jashtëzakonisht e vështirë”. /abcnews.al
