Edicioni i të premtes i gazetës torineze, “Tuttosport”, pretendon se Roma dhe Daniele de Rossi janë “shumë” të interesuar për yllin e Juventus-it, Federico Chiesa.
Trajneri i Roma-s, De Rossi, i cili është konfirmuar nga klubi për sezonin 2024-25, është një admirues i ish-yllit të Fiorentina-s me të cilin ka punuar gjatë periudhës së tij si asistent i Roberto Mancini-t në Euro 2020.
Chiesa kontribuoi në fitoren e Italisë me dy gola në shtatë paraqitje, një kundër Austrisë dhe një kundër Spanjës në gjysmëfinale.
Kontrata e Chiesa-s në “Allianz Stadium” skadon në qershor 2025 dhe, siç raportohet nga eksperti i “Football Italia”, Matteo Moretto, bardhezinjtë kanë planifikuar një takim me agjentin e tij Fali Ramadani për të diskutuar një marrëveshje të re.
Newcastle United gjithashtu është lidhur me nënshkrimin e Chiesa-s, por sipas Moretto-s, interesi i “Magpies” është ende i pakonfirmuar.
Chiesa ka tetë gola dhe dy asistime në 29 paraqitje në të gjitha garat këtë sezon./Albanianpost.com
