Forca e Sigurisë së Kosovës dhe Forcat e Armatosura të Republikës së Shqipërisë janë bërë bashkë për zhvillimin e stërvitjes së përbashkët ushtarake “Fekeni 23” që është duke u realizuar në poligonin ushtarak në Biza të Shqipërisë.
Ministri i Mbrojtjes në Qeverinë e Kosovës, Ejup Maqedonci, përmes një postimi në rrjetin social Facebook ka thënë se qëllimi i kësaj stërvitje është të testojë kapacitetet e këmbësorisë në kushte dimërore.
Sipas tij, terreni, dhe kushtet e poligonit në Biza mundësojnë realizimin e objektivave, testimin e aftësive dhe kapaciteteve të fituara të njësive pjesëmarrëse në stërvitje. /GazetaSinjali/
