Zyrtarët ushtarakë amerikanë i kanë bërë thirrje publikut për ndihmë për të gjetur një aeroplan luftarak pasi humbën gjurmët e tij diku mbi Karolinën e Jugut kur piloti u hodh nga fluturakja.
Sipas mediave të huaja, përcjell Telegrafi, një pilot i Korpusit të Marinës shpëtoi sigurt pasi u hodh nga aeroplani F-35B Lightning II mbi North Charleston të dielën pasdite pas një “fatkeqësie”, thanë zyrtarët ushtarakë, dhe kërkimi për aeroplanin e tij të zhdukur tani u përqendrua në dy liqene në veri të Charleston-it të Veriut.
Siç bëhet e ditur më tej, piloti u hodh me parashutë i sigurt në North Charleston rreth orës 14:00 dhe u dërgua në një spital lokal, ku ishte në gjendje të qëndrueshme.
Emri i pilotit nuk është bërë i ditur ndërsa zyrtarët janë ende duke hetuar pse piloti u hodh, thanë autoritetet. /Telegrafi/
