Zyrtarët e inteligjencës norvegjeze kanë paralajmëruar se Rusia është kërcënimi kryesor i sigurisë për të gjithë Evropën.
“Rusia sot përbën kërcënimin më të madh për sigurinë norvegjeze dhe evropiane dhe konfrontimi me Perëndimin do të jetë afatgjatë”, tha Bjorn Arild Gram, ministri i mbrojtjes.
Lars Nordrum, nënkryetari i Shërbimit të huaj të Inteligjencës Norvegjeze deklaroi se instalimet e naftës dhe gazit të Norvegjisë mund të jenë në shënjestër të sabotimit rus.
“Norvegjia është tani furnizuesi më i rëndësishëm i Evropës me energji pasi Rusia i dha fund eksporteve të saj të gazit në Perëndim”, tha ai.
Sofie Nystrom, kreu i Autoritetit të Sigurisë Kombëtare Norvegjeze, paralajmëroi gjithashtu se e gjithë Europa do të vuajë nëse goditen instalime të tilla nafte dhe gazi. /Top Channel
