12 kitaristët të Akademisë Muzikore Darmstad nga Gjermania performuan mbrëmë në Gjakovë, duke dhuruar një natë të paharrueshme për publikun, me tingujt e veprave të njohura muzikore si Vivald, Purchell, Manuell De Falla etj. Kjo nismë u nis nga kitaristi gjakovar Lorik Pylla i cili aktualisht jeton në Gjermani.
Të lumtur që patën mundësi të performojnë para një audience të tillë, u shprehen edhe kitaristët gjermanë.
I pranishëm në këtë organizim ishte edhe kryetari i komunës së Gjakovës, Ardian Gjini, i cili tha se mbrëmjet e tilla janë të mirëseardhura në Gjakovë.
Theksojmë se kjo ngjarje kulturore është mbështetur nga drejtoria për Kulturës në komunën e Gjakovës.
