Teksa një pjesë e mirë e trajnerëve kanë bërë publike listat e lojtarëve që do të grumbullojnë kanë nisur edhe analizat se cilët prej tyre do të shkëlqejnë në Euro 2024. Duke e nisur në mbrojtje, pikërisht nga e majta janë 5 futbollistë që pritet të lënë shenjën e tyre në finalet e Gjermanisë.
Në vend të pestë me të dhënat më të mira është lojtari i Milan dhe kombëtares së Francës Theo Hernández. Ai ka regjistruar 11 asiste në 45 ndeshje dhe ka shënuar pesë gola. Hernandez duke u bashkuar me Kylian Mbappé në krahun e majtë të Francës është bërë një pjesë kyçe e planit të lojës së Didier Deschamps.
Në vend të katërt João Cancelo i Barcelonës dhe Portugalisë. Nominalisht një mbrojtës i djathtë, João Cancelo ka pësuar një ndryshim pozicioni dhe pritet të startojë në krahun e majtë në Euro 2024. Lehtësia e Cancelos për të luajtur në këtë rol të ri për Barcelonën e ka bindur trajnerin e portugalisë Martinez. Produktiviteti i tij ka qenë modest, me katër gola dhe katër asistime në 41 paraqitje për gjigantët katalanas këtë sezon.
Një shkallë më lart është Josko Gvardiol i Manchester City dhe Kroacisë. Ai është përshtatur pa probleme me këtë rol, duke u bërë pjesë e disa paraqitjeve dhe golave të spikatur dhe ka të ngjarë të jetë zgjedhja e Kroacisë për atë pozicion.
Vendi i dytë për skocezin e Liverpool Andy Robertson. Në tre ndeshjet e tij të fundit, shënoi dy gola. Ai do të synojë të ruajë këtë vrull teksa udhëheq Skocinë në Kampionatin Evropian të katërt këtë verë.
Vendi i parë për një gjerman, Maximilian Mittelstädt i Stuttgart. Vetëm me dy ndeshjet miqësore të marsit kundër Francës dhe Holandës ai siguroi pozicionin duke bindur trajnerin Nagelsmann./Tv Klan
