Aksidentohet një kamion me një veturë në Gjakovë, lëndohet një person
Deri më tani janë konfirmuar 257 raste të lisë së majmunëve dhe rreth 120 raste janë të dyshuara. Por nuk është raportuar për asnjë të vdekur.
Lajmi është bërë i ditur nga Organizata Botërore e Shëndetësisë, duke specifikuar se “situata po evoluon me shpejtësi” dhe se rastet pritet të rriten, shkruajnë mediat e huaja.
OBSH thekson se identifikimi i rasteve të konfirmuara dhe të dyshuara të lisë së majmunëve që nuk kanë pasur lidhje të drejtpërdrejta me një zonë endemike “është atipike” dhe një rast i lisë së majmunëve në një vend jo-endemik “konsiderohet një shpërthim”.
Shfaqja e papritur e njëkohshme në disa vende jo-endemike “tregon se mund të ketë pasur transmetim që nuk është pazbuluar për një periudhë kohe, ndërsa ngjarjet e fundit kanë përforcuar përhapjen e virusit.
Në raportin e saj, Organizata Botërore e Shëndetësisë apelon tre veprimet e menjëhershme që duhen ndërmarrë: ofrimi i informacionit të saktë për ata që mund të jenë më të rrezikuar; ndalimi i përhapjes së mëtejshme midis grupeve të rrezikut dhe mbrojtja e punonjësve shëndetësorë në linjën e parë.
/abcnews.al
