20 kandidatë që humbën garën në vitin 2017, garojnë sërish në zgjedhjet lokale

Rreth 20 kandidatë që ishin në garë zgjedhore në vitin 2017 do të rikandidojnë edhe këtë herë. 

Nga Lëvizja Vetëvendosje  pas katër vjetësh Suharekën e synon edhe njëherë Sali Zyba, njësoj si Agron Avdiaj, Istogun e Visar Korenica Rahovecin.

Edhe Partia Demokratike e Kosovës u’a besoi garën katër kandidatëve të njëjtë, Sokol Bashota pretendon Klinën, Ferit Idrizi Vushtrrinë, Fatos Shala Junikun, e Shaqir Totaj garon për të marrë më tepër vota, ngase garën në balotazh e kishte humbur për më pak se 1 përqind.

Totaj tha përparësia e tij tash do jetë edhe dëshmia e keqqeverisjes së Mytaher Haskukës.

As Lidhja Demokratike e Kosovës nuk mbeti pa rivënë pretendentë që nuk fituan.

Nga kjo parti garon Besim Hoti për Klinën, Bajrush Ymeri për Novobërdën e Mehmet Krasniqi për Obiliqin. Nga vendi i tretë në të parin synon te dal edhe Shkëlqim Jakupi në Kaçanik që thotë se nuk kishte nevojë për ndryshime të mëdha në program, ngase problemet e katër viteve më parë vazhdojnë të jenë të pazgjidhura nga qeverisja aktuale.

Megjithëse nuk mori as tre për qind të votave, gara për Drenasin nga Aleanca për Ardhmërinë e Kosovës i’u besua sërish Arta Ahmeti-Xhylanit e cila u shpreh e bindur se do lë pas Ramiz Lladrovcin e kandidatin tjetër që doli nga strukturat e PDK-së.

Katër kandidatë i futi sërish në garë edhe NISMA, Albert Sermaxhaj është pretendent për Kamenicën, Fazli Hoxha për Gjakovën, Xhemajl Hasani për Podujevën, e në Prizren sërish garon Zafir Berisha që është i bindur se do jetë në balotazh me një nga kundërshtarët politk.

Nga nënkryetar në kryetar synon të ngritët në pozitë Selim Pacoli, nga Aleanca Kosova e Re, që edhe njëherë i hyri garës për të parin e Prishtinës.

/Telegrafi/