1.836.716 doza të administruara të vaksinës anti COVID në Kosovë

Aktualisht në Kosovë numri i rasteve aktive me COVID është 10.

Sipas të dhënave të fundit nga Instituti Kombëtar i Shëndetësisë Publike të Kosovës, në 24 orët e fundit është regjistruar vetëm një rast i ri me koronavirus.

Prej fillimit të vaksinimit në të gjitha qytetet e Kosovës janë dhënë 1.836.716 doza të vaksinës.

Deri më sot 824.883 qytetarë janë vaksinuar me dozën e dytë, ndërsa janë dhënë 105.338 doza të treta të vaksinës kundër COVID-19.

Me dozën e katërt janë vaksinuar vetëm 1,854 persona.