Aksidentohet një kamion me një veturë në Gjakovë, lëndohet një person
Trajneri portugez André Villas-Boas njoftoi të martën se ai ka dhënë dorëheqje si trajner i Olympique de Marseille sepse nuk pajtohet me politikën sportive të klubit.
“Unë kam dorëzuar dorëheqjen time te menaxhmenti, ende nuk kam asnjë përgjigje, “tha trajneri në një konferencë shtypi para ndeshjes së ligës që nesër do të luahet kundër Lensit.
Villas-Boas, i cili erdhi në Marsejë në fillim të sezonit të kaluar nga drejtori i atëhershëm sportiv Andoni Zubizarreta, kritikoi performancën e klubit gjatë këtij afati kalimtar veror, në kundërshtim me dëshirat e tij si menaxher.
“Unë nuk dua asgjë nga Marseille, unë nuk dua as para. Unë thjesht dua të largohem për shkak të mospërputhjeve të mia me politikën sportive. Është për të ardhur keq për këtë, “tha trajneri, i cili rrëfeu se kishte kundërshtuar ardhjen e Olivier Ntcham, nga Celtic Glasgoë.
“Është një vendim që u bë pa pëlqimin tim, unë e takova atë këtë mëngjes kur lexova mediat. Ai është një lojtar që thashë se nuk e doja, ai nuk ishte në listën time “, tha trajneri,
Trajneri, i cili tha javën e kaluar se nuk do të qëndronte në klub në fund të këtij sezoni, tha se ai preferon të japë dorëheqjen para se të shkarkohet. Villas-Boas, 41 vjeçar, ishte tashmë në prag të largimit nga Marseille në fund të sezonit të kaluar pas shkarkimit të Zubit, por klubi e bindi atë që të vazhdojë./KosovaPress
