Humbjet ndaj Shqipërisë dhe Sllovakisë alarmojnë basketbollin kosovar, kërkohen ndryshime
Interesimi i madh i tifozëve ka bërë që të shiten të gjitha biletat për ndeshjen mes Kosovës kundër Sllovakisë, e cila zhvillohet më 26 mars.
Përmes një njoftimi, tifogrupi Dardanët ka bërë të ditur se tashmë është plotësuar lista e emrave të tifozëve që kanë rezervuar biletat për tribunën mysafire, sipas numrit të garantuar nga organizatorët.
Ata kanë theksuar se nga sot e tutje nuk do të shqyrtohet asnjë kërkesë e re për bileta për këtë sfidë, duke kërkuar mirëkuptim nga tifozët që nuk kanë arritur të sigurojnë një vend në stadium.
Megjithatë, nga tifogrupi është bërë e ditur se abonimet vjetore vazhdojnë, duke u dhënë mundësi tifozëve që të regjistrohen për të përfituar bileta në ndeshjet e ardhshme të Kombëtares së Kosovës. /KosovaPress/
