​19-vjeçari ndërron jetë pasi u godit nga vetura

Një aksident me fatalitet ka ndodhur në orët e para të ditës së sotme në lagjen “Kodra e Trimave”, saktësisht në rrugën “Fahri Fazliu” në Prishtinë, ku një 19-vjeçar ka humbur jetën si pasojë e plagëve të marra.

Sipas policisë, ngjarja ka ndodhur pas mesnatës, në ora 01:20 dhe kanë qenë të përfshirë dy këmbësorë dhe tri vetura, një prej të cilave ka qenë në lëvizje ndërsa dy të tjera të parkuara.

Si pasojë e aksidentit, lëndime trupore kanë pësuar tre persona, një prej tyre, këmbësor, nuk ka arritur të përballojë plagët dhe i njëjti ka ndërruar jetë.

Vdekjen e tij e ka konstatuar ekipi mjekësor në vendngjarje ndërsa i njëjti është identifikuar si J.S., mashkull, 19 vjeç.

Trupi i pajetë është dërguar për obduksion në Institutin e Mjekësisë Ligjore, ndërsa personi i dyshuar, drejtuesi i automjetit, me vendim të prokurorit i është shqiptuar masa e ndalimit për 48 orë.

Read Previous

Stoltenberg: Bota do të jetë një vend më i rrezikshëm nëse Rusia fiton luftën

Read Next

​KFOR-i italian dhuron një donacion të pajisjeve intensive për Pediatrinë