Aksidentohet një kamion me një veturë në Gjakovë, lëndohet një person
Një ngjarje e rëndë ka ndodhur në Tiranë në zonën e quajtur “Kodra e Diellit”.
Një person është qëlluar me breshëri kallashnikovi nga një veturë e cila ishte në lëvizje.
Siç raporton Abcmews.al viktima është dërguar pa shenja jete në spital.
I ndjeri është Briken Sanaj, 39-vjeçar nga Lezha.
Policia ka gjetur gëzhoja në vendngjarje dhe po punon për zbardhjen e ngjarjes.
Njoftimi nga policia:
Më datë 30.10.2022, te Kodra e Diellit, në rrethana ende të paqarta, është qëlluar me armë zjarri shtetasi B. S., rreth 39 vjeç, i cili ka ndërruar jetë rrugës për në spital.
Shërbimet e Policisë kanë shkuar menjëherë në vendngjarje, kanë ngritur pika kontrolli dhe vijojnë krehjen e zonës për identifikimin dhe kapjen e autorit/ëve.
Janë shoqëruar disa persona në Polici.
Në Qafë Kashar, në afërsi të një biznesi pllakash, është gjetur duke u djegur, një automjet.
Grupi hetimor po punon për sqarimin e plotë të rrethanave të ngjarjes dhe për fiksimin e çdo prove të vlefshme që mund të çojë në identifikimin e autorëve.
/KlanKosova/
