Aksidentohet një kamion me një veturë në Gjakovë, lëndohet një person
Në moshën 72 vjeçare, pas një beteje me një sëmundje të rëndë të mushkërive, ka vdekur sot në Prishtinë kant-autori i njohur Riza Dolaku.
Riza Dolaku është autor këngësh i njohur.
Ai ishte kompozitor dhe aranzhues që studioi në Akademinë e Muzikës në Beograd.
Filloi shkollën e mesme muzikore në Prizren dhe e përfundoi në Prishtinë. Pas kësaj ai u mësua në audicionin e RTP-së ku punoi deri në vitet e ’90-ta kur të gjithë punonjësit u shpërndanë me dhunë.
Riza Dolaku mori pjesë në festivale të ndryshme si: “Akordet e Kosoves” – më shumë si aranzhues por gjithashtu pati një numër paraqitjesh si kompozitor “Zambaku i Prizrenit, Nota Fest etj.
I ndjeri, ishte gjithashtu një pianist dhe pjesë e trupit gjykues në festivalin “Shon Fest 2000”. Riza Dolaku u citua për aranzhimin e tij të këngës “E dehun jam” nga Nexhmije Pagarusha, e cila ishte realizuar nga Alma Bektashi në një ngjarje nderimi për Nexhmije Pagarushen, organizuar nga RTK.
I ndjeri ka aranzhuar këngë edhe për emra të njohur të muzikës shqipe. Veçohet kënga për Ramadan Krasniqin-Danin ‘Sytë e tu po më mungojnë’.
Lajmin për ndarjen nga jeta të Riza Dolakut e ka konfirmuar për ‘RADIO 1’, miku dhe bashkëpunëtori i të ndjerit, kompozitori Afrim Macula.
“Na iku ky njeri i dashur, i veçant dhe i madh për nga natyra muzikore. Riza përcjellet sot në ora 13:00 në banesën e tij të fundit, në varrezat e kryeqytetit, në Prishtinë.”-tha Afrim Macula në ‘RADIO 1’.
Ngushëllime kanë shprehur edhe miq e bashkëpunëtorë të të ndjerit, nga estrada.
“Pusho i qetë Riza Dolaku! Faleminderit për këngët, bashkëpunimet dhe muzikën e bukur! Të fala Hivziut!” – ka shkruar Ramadan Karsniqi-Dani.
Lajmin e ndjerë e ka ndarë dhe këngëtari Naim Abazi. Ai përmes një postimi në Facebook ka thënë që Dolaku ka qenë njeri i artit dhe mik i mirë.
“Njeriu që e ka dashtë shumë jetën sado e vështirë që ka qenë për të. Njeriu i artit që në përmbajtje realisht ka qenë vetëm art dhe artistik! Gjuhën e komunikimit shumë të qartë sidomos në nivele e segmente artistike. Iku miku i mirë i yni dhe i artit Riza Dolaku !”, ka shkruar Abazi./GazetaSinjali/
