• 10 December, 2022

Vazhdon të reduktohet sipërfaqja e përmbytur në Shkodër

Situata me përmbytjet është drejt përmirësimit në qarkun e Shkodrës. Sipas një njoftimi të kësaj bashkie, sipërfaqja e përmbytur është 1,130 hektarë, nga 1,365 që ishte një ditë më parë.

Në fshatrat Obot, Muriqan dhe Oblikë sipërfaqja e tokës bujqësore e përmbytur vlerësohet në 700 hektarë, nga 850 që ishte ditën e djeshme.

Rruga e Obotit ka prezencë uji 25 cm dhe është e kalueshme vetem me mjetet e ushtrisë.

Ndërsa, Ujësjellësi Oblika 1 dhe 2, si pasojë e përmbytjeve është jashtë funksionit.

Deri më tani, në Shkodër janë evakuuar 7 familje, me 24 persona, teksa në konvikte kanë marrë trajtim 14 familje me 30 persona.

/Telegrafi/

Read Previous

Në kuadër të botërorit “Katar 2022” sot zhvillohen këto ndeshje

Read Next

Hovenier: Marrëveshja për targat avancon përpjekjet për normalizimin e marrëdhënieve