Aksidentohet një kamion me një veturë në Gjakovë, lëndohet një person
Donald Trump premtoi ndër të tjera që të rivendosë politikën e kufirit të mbyllur, që në ditën e parë të mandatit të tij në Shtëpinë e Bardhë, në një fjalim para mbështetësve në New Hampshire që zgjati më shumë se një orë.
Turma brohoriti ndërsa Trump doli në skenë dhe bërtiti me zë të lartë, duke mbrojtur disa nga linjat standarde të fushatës së tij. Ai u tall me kundërshtarët e tij kryesorë, guvernatorin e Floridës Ron DeSantis dhe ish-guvernatoren e Karolinës së Jugut, Nikki Haley, ndër të tjera.
Më pas ai foli për çështje të njohura që premtoi t’i trajtonte në ditën e tij të parë në detyrë. Ai vuri në dukje se gjatë presidencës së tij mbrojti SHBA-në nga turistët që vinin nga vendet që “pëlqejnë të hedhin në erë qendrat e tyre tregtare”.
Trump tha gjithashtu se beson se politika kufitare e Biden ka për qëllim të sjellë votues, duke thënë se ata “i lënë këta njerëz të hyjnë, u mësojnë atyre disa fjalë të gjuhës angleze dhe i bëjnë të votojnë”.
Më pas ai foli për padite penale.
“Ju e dini që unë jam akuzuar më shumë se Al Capone ,” i tha Trump turmës. “A keni dëgjuar ndonjëherë për Al Capone? Ndoshta mafiozi më i madh nga të gjithë”.
Skena në New Hampshire ishte një vështrim i hershëm disi surreal i fushatës së ardhshme, në të cilën Trump, i preferuari për nominimin presidencial republikan, pritet të përballet me gjyqin e tij të parë penal më 5 mars, i njohur gjithashtu si ” Super e Marta”, sepse 14 shtetet votojnë në zgjedhjet primare.
Megjithëse data e fillimit të gjyqit mund të shtyhet. /abcnews.al
