• 28 May, 2022

Takohen komandantët e forcave të Kosovës dhe të Shqipërisë

Komandanti i Forcës së Sigurisë së Kosovës, Gjenerallejtënant Bashkim Jashari ka pritur sot në takim Komandantin e Forcave Tokësore të Shqipërisë, Gjeneral brigade Arben Kingjin.

Gjenerallejtënant Jashari ka falënderuar Gjeneral Kingjin për vizitën dhe njëkohësisht i ka shprehur mirënjohjen për angazhimin e tij për ngritjen e bashkëpunimit midis dy ushtrive.https://6d8295f05c884d022d310e4d44572b50.safeframe.googlesyndication.com/safeframe/1-0-38/html/container.html

Kështu është bërë e ditur në një njoftim për media nga Ministria e Mbrojtjes.

“Në takim janë diskutuar fushat e bashkëpunimit me qëllim të rritjes së numrit të aktiviteteve bilaterale mes FARSH-it dhe FSK-së duke përfshirë trajnimin, edukimin, ushtrimet e përbashkëta si dhe aktivitete  të tjera me ushtritë e shteteve mike”, thuhet në komunikatë.

Gjeneral Jashari me këtë rast ka deklaruar se Shqipëria dhe FARSH-i si anëtarë të NATO-s, janë partner i rëndësishëm i Kosovës dhe FSK-së në rrugën drejt integrimit në NATO.

“Në fund dy Gjeneralët u dakorduan se partneriteti ndërmjet ushtrive tona është shumë i rëndësishëm për stabilitetin e regjionit, veçanërisht në ambientin e ndjeshëm aktual të sigurisë”. /Telegrafi/

May be an image of 2 people, people standing and military uniform
May be an image of 5 people, military uniform and outdoors
May be an image of 4 people, military uniform and outdoors

Read Previous

​Bislimi: Serbia e shfrytëzoi takimin për të mashtruar ndërkombëtarët

Read Next

Kurti përuron shërbimet konsullore të Kosovës në Iowa