Aksidentohet një kamion me një veturë në Gjakovë, lëndohet një person
Një ekip shkencëtarësh nga Kina ka zhvilluar një metodë ku ata mund të përdorin rreze laser me energji të lartë për të mbajtur dronët në ajër “përgjithmonë”.
Megjithëse sistemet me laser me fuqi të lartë janë më të lidhura me teknologjitë e përdorura kundër mjeteve ajrore pa pilot, profesori Li Xuelong dhe kolegët e tij kanë shpikur një metodë që do të bëjë të kundërtën e rrëzimit të dronëve gjithnjë e më të vegjël.
Shkencëtarët e pajisën dronin me një modul konvertimi fotoelektrik që konverton energjinë e dritës në energji elektrike. Kjo do të thotë se një rreze laser me energji të lartë mund të kontrollohet dhe përdoret për të karikuar nga distanca një dron. Ekipi kreu një eksperiment që përfshin “Dronët e udhëhequr optik (ODDs), gjatë të cilit u testua një proces i automatizuar i karikimit, i cili ndjek dronët gjatë fluturimit.
“Kulmi i hulumtimit është një monitorim inteligjent 24-orësh dhe një sistem autonom i ngarkimit të energjisë me rreze të gjatë për ODD,” tha ekipi i shkencëtarëve.
Hapi i parë për shkencëtarët ishte të kuptonin se si të gjurmonin dronët gjatë fluturimit. Për ta bërë këtë, ata kanë zhvilluar një algoritëm gjurmimi që ata pretendojnë se është efektiv në mjedise të ndryshme, kushte ndriçimi dhe kushte moti. Ata përdorën gjithashtu teknologjinë adaptive të formimit të rrezeve që lejoi që rrezet të rregullonin në mënyrë autonome intensitetin e tyre për të rritur distancën e transmetimit pa tel.
Në raportin e tij, ekipi përshkroi gjithashtu zhvillimin e një algoritmi mbrojtës që rregullon automatikisht intensitetin e rrezes laser nëse zbulohen pengesa në rrugën e rrezes. Tre teste në terren të kësaj teknologjie janë kryer me sukses, një në ambiente të mbyllura dhe dy në natyrë gjatë ditës dhe natës.
Shkencëtarët pohojnë se metoda e tyre mund të përdoret për lehtësimin e fatkeqësive.
“Në disa misione afatgjata si kërkimi i njerëzve të bllokuar në përmbytje, fluturimi i vazhdueshëm i dronëve do të kursente shumë kohë të çmuar shpëtimi. ODD pritet të luajë një rol të rëndësishëm në menaxhimin social si kontrolli i trafikut, patrullimet e sigurisë, shpëtimi nga fatkeqësitë dhe logjistikë pa kontakt”, thuhet në raport.
Shkencëtarët nuk zbuluan specifikimet e sistemit, duke argumentuar se kërkimi i tyre mund të përdoret për qëllime të klasifikuara ushtarake. /Telegrafi/
