Ministria e Industrisë, Ndërmarrësisë dhe Tregtisë ka publikuar çmimet maksimale të lejuara për derivatet e naftës, të cilat do të vlejnë gjatë ditës së sotme deri nesër në orën 10:00.
Sipas këtij vendimi, çmimi maksimal për naftën (dizelin) shkon në 1.73 euro për litër, një cent më lirë se ditë më parë, ndërsa benzina do të tregtohet deri në 1.51 euro për litër, që i bie dy centë më lirë se një ditë më parë.
Edhe, çmimi i gazit është përcaktuar në 0.60 euro për litër, ashtu si ishte një ditë më parë. /RTKlive
