Ministria e Financave e Banka Botërore me marrëveshje 96 milionëshe
Në kuadër të festave të fundvitit, Petrol Company, një nga kompanitë lider në industrinë e derivateve, ka vijuar me përkushtim traditën e saj të bukur të solidaritetit duke vizituar SOS Fshatrat. Kjo vizitë u shndërrua në një moment të veçantë për fëmijët, të cilët u surprizuan me dhurata të përzgjedhura me kujdes dhe me shumë dashuri.
Atmosfera festive, e mbushur me buzëqeshje dhe emocione pozitive, e bëri këtë ditë të paharrueshme për të gjithë të pranishmit. Fëmijët ndjenë ngrohtësinë e festave dhe vëmendjen që iu kushtua, duke përjetuar gëzimin e vërtetë të kësaj periudhe magjike.
Kjo nismë humanitare u realizua nën drejtimin e Z. Shkëlzen Jusaj, CEO i Petrol Company, i cili thekson vazhdimisht rëndësinë e angazhimit të kompanisë ndaj komunitetit dhe mbështetjes së brezave të rinj.
Ky veprim simbolizon më së miri frymën e fundvitit – një kujtesë se edhe një gjest i vogël mund të sjellë gëzim të madh dhe emocione të sinqerta. Sepse fundviti është pikërisht kjo: një kohë magjike për të dhuruar dashuri, shpresë dhe buzëqeshje.
