Aksidentohet një kamion me një veturë në Gjakovë, lëndohet një person
Ndihmës Sekretari Amerikan për Byronë Ndërkombëtare të Narkotikëve dhe Çështjeve të Zbatimit të Ligjit, Todd D. Robinson, të enjten ka takuar përfaqësuesit e sistemit gjyqësor, atij prokurorial dhe të Shërbimit Korrektues, me këtë rast edhe ka nënshkruar marrëveshjen për pranim-dorëzimin e pajisjeve audio-vizuele që do të përdoren për regjistrimin e seancave gjyqësore nëpër gjykatat e Kosovës.
Në një takim të mbajtur në Pallatin e Drejtësisë, Johnson tha se është i nderuar të ndihmojnë me pajisjet audio-vizuale, të cilat ndikojnë në sigurinë e gjykatës dhe burgjeve, raporton “Betimi për Drejtësi“.
“I nderuar të participojmë në pajisjet audio-vizuele duke ndikuar në sigurinë e gjykatës dhe burgjeve. Ka shumë benefite nga këto pajisje. Janë eleminuar letra-procesverbalet e seancave, shënohen automatikisht. Dua të falënderoj KGJK-në për bashkëpunimin e treguar në implementimin e këtij projekti”, tha Robinson.
Kurse, Albert Zogaj, kryesues i Këshillit Gjyqësor të Kosovës (KGJK) tha se lufta kundër korrupsionit, krimit të organizuar dhe terrorizmit mbeten sfidë. Ai tha se instalimi i pajisjeve audio-vizuele ndikon në rritjen e transparencës.
“Përmes Departamenti Special në Themelores dhe Apel po konsolidohen dhe po japin rezultate kontributi përmes instalimit të pajisjeve audio-vizuele përmes investimit të bërë nga INL. E rrit efikasitenin dhe transparencën e palëve në procedurë”, tha Zoaj.
Edhe, Ismail Dibrani, drejtor i Shërbimit Korrektues të Kosovës (ShKK) falënderoi INL për zhvillimin profesional të stafit të ShKK-së.
“Përmes mbështetjes së INL po trajtojmë nevojat e personave me nevoja të veçanta për herë të parë. Njësiti i intelegjecës po na bën krenar të gjithëve sa i përket trajtimit të personave të kthyer nga lufta”, tha Dibrani.
Po ashtu, kryetarja e Gjykatës Themelore në Prishtinë, Albina Shabani-Rama, tha se këto pajisje do të ndihmojnë edhe për mbajtjen e gjykimeve në distancë.
“Përmes këtyre pajisjeve mundësohet shikimi i secilës fjalë, duke ndikuar në ruajtjen dhe rrijten e integritetit të proceve gjyqësore. Po ashtu, me këtë donacion do të mundësohet mbajtja e gjykimeve në distancë, përfshirë pjesëmarrjen e viktimave përmes video-linkut në vendin ku ata ndihen të sigurtë”, tha Shabani-Rama.
Takimi i Johnson me krerët e institucioneve të drejtësisë dhe sigurisë, erdhi pas takimit që kishte me Presidenten Vjosa Osmani./BetimipërDrejtësi