Aksidentohet një kamion me një veturë në Gjakovë, lëndohet një person
Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit, e ka votuar Raportin me amendamente të Komisionit Funksional në Projektligjin mbi ndarjet buxhetore për Buxhetin e Republikës së Kosovës.
Deputetët e opozitës thanë se Projektligji për ndarjet buxhetore nuk i plotëson kushtet e qytetarëve dhe si i tillë nuk do të votohet nga ta.
Deputeti i Partisë Demokratike të Kosovës, Hajdar Beqa, tha se nëse Qeveria reflekton sa i përket Ligjit të pagave do ta votojnë buxhetin.
“Ne nuk do t’i votojmë këto amendamente dhe është qëndrim i PDK-së, kështu që nëse reflekton Qeveria me Ligjin për paga atëherë do të kemi qëndrim tjetër”.
Deputeti nga radhët e Aleancëss për Ardhmërinë e Kosovës Besnik Tahiri, tha se amendamenti i tij Zonën ekonomike të Podujevës është larguar, ndërsa këtë e quajti mashtrim.
“Në amendamentin ku bëhet fjalë për Zonën ekonomike të Podujevës, amendament të cilin unë e kam paraqit e kemi kërkuar buxhetin prej 500 mijë eurosh dhe këtu e shoh se loja dhe mashtrimi që qenka bërë, e që qenkan vendosur vetëm 200 mijë euro dhe tre deputetë të pozitës më thanë se kaloi amendamenti yt. Ky amendament është mashtrim ose mosdije”.
Ndërsa anëtari tjetër nga Lëvizja Vetëvendosje, Diman Basha, tha se këto 200 mijë euro janë vetëm për vitin 2022 dhe për vitin 2023 dhe 2024 priten të shtohen mjete tjera.
Këtë raport nuk e votuan anëtarët nga partitë opozitare.
Amandamentet kaluan me pesë vota pro, katër kundër dhe asnjë abstenim.
/KlanKosova/
