Miratohet raporti për shpenzimet vjetore të Kuvendit

Komisioni për Buxhet Punë dhe Transfere ka miratuar raportin vjetor për shpenzimet e Kuvendit të Kosovës në vitin 2020, raporton Ekonomia Online.

Në këtë mbledhje ka raportuar sekretari i Kuvendit, Ismet Krasniqi, i cili ka dhënë sqarime për anëtarët e komisionit.

Anëtari i Komsionit, Pal Lekaj ka pyetur atë se sa punëtorë ka të punësuar në Kuvend.

“Totali i të punësuarve është 415.Nga viti 2008 e këtej Kuvendi nuk asnjë zyrtarë me kontratë mbi vepër”, ka thënë Krasniqi

Anëtari i Komisonit nga PDK Mërgim Lushtaku ka kërkuar që të rishikohet pagesa për ekspertë të komisoneve. Sipas Lushtakut asnjë ekspertë s’do të pranonte të punonte për 20 euro në ditë aq sa një punëtor krahu.

“Ne e kemi një rregullore e cila përcakton shumën prej 800 euro pagë për një këshillues ekspertize, dhe në bazë të asaj veprojmë”.

Eman Rrahmani ka pyetur për punësimin e personave me nevoja të veçanta në Kuvend kurse Ismet Krasniqi ka njoftuar që kanë të punësuar 7 persona të kësaj kategorie.

Kryetari i Komisionit, Armend Muja ka pyetur për rekomandimet qe i ka dhënë Kuvendit Auditori dhe sa janë zbatuar ato.

“Ne jemi mirënjohës për punën e Auditorit që ka bërë. Rekomandimet e dala janë zbatuar që kanë qenë gjithsej 4″, tha Krasniqi.

Read Previous

HCR “Gjakova”, një histori e shpejtë suksesi

Read Next

​Kosova zhvillon sot ndeshje historike kundër Malit të Zi