Aksidentohet një kamion me një veturë në Gjakovë, lëndohet një person
Oborrin e kësaj kishe e viziton shpesh, jo pa arsye. Këtu është varri i nënës së tij Pashke Markaj e cila i dha fund jetës tri ditë pasi varrosi eshtrat e dy djemve të saj, Gjovalinit dhe Milanit, më 27 maj të vitit 2003. Të dy të marrë nga forcat paramilitare serbe në vitin 1999.
Dhimbja duket se u bë e papërballueshme për nënën Pashke që nuk gjeti paqe dhe i vuri flakën vetes, tregon njëri nga djemtë e së ndjerës.
Për familjarët nuk ishte aspak e lehtë të humbasësh edhe një jetë tjetër në mënyrë kaq tragjike.
Në vendin ku Pashke Markaj vendosi të vetflijohet, sot qëndron një gur i vendosur nga familja për të kujtuar përjetimin e trishtë të një nëne që nuk u pajtua kurrë me humbjen e bijve të saj gjatë luftës.
