Aksidentohet një kamion me një veturë në Gjakovë, lëndohet një person
I Dërguari Special i Bashkimit Evropian për dialogun Kosovë-Serbi, Miroslav Lajçak, është takuar me Komisionerin e Lartë të Organizatës për Siguri dhe Bashkëpunim në Evropë (OSBE) për Pakicat Kombëtare, Kairat Abdrakhmanov, ku kanë folur për angazhimet e pakicave në të gjitha sferat e jetës në Ballkan.
Lajmi u bë i ditur nga vetë Lajçak, përmes një postimi në platformën X.
Pleased to welcome my longtime colleague @oscehcnm Kairat Abdrakhmanov to Brussels for an open and insightful update on our respective work. Among others, we discussed the importance of ensuring effective participation of national minorities in all aspects of life in the Balkans. pic.twitter.com/qjEP8jhwN3— Miroslav Lajčák (@MiroslavLajcak) March 26, 2024
“Jam i kënaqur të mirëpres kolegun tim prej kohësh Kairat Abdrakhmanov në Bruksel për një përditësim të hapur dhe të thellë mbi punën tonë përkatëse. Ndër të tjera, diskutuam rëndësinë e sigurimit të pjesëmarrjes efektive të pakicave kombëtare në të gjitha aspektet e jetës në Ballkan”, shkroi diplomati sllovak.
Ndryshe, Lajçak, të hënën, pas takimit me kryenegociatorin e Kosovës, Besnik Bislimi dhe atë të Serisë, Petar Petkoviç, ka thënë se pret që javën tjetër të gjendet një zgjidhje për çështjen e dinarit.
“Kryenegociatorët e Kosovës dhe Serbisë kanë prezantuar sot propozimet për rrugën përpara për personat e prekur nga rregullorja e BQK-së për operacionet me para të gatshme. Diskutimet tona të gjata ndihmuan për të sqaruar detaje të rëndësishme. Javën e ardhshme ne ramë dakord të mblidhemi sërish me ambicien për të gjetur një zgjidhje”, shkroi ai në platformën X. /AlbanianPost.com
