Kosova pranon 67.5 milionë euro nga BE si mbështetje ndaj krizës energjetike

Ministria e Financave, Punës dhe Transfereve njofton që Thesari i Kosovës ka pranuar tranzhin e parë prej 67.5 milionë euro nga Bashkim Evropian, nga 75 milionë sa është mbështetja totale ndaj krizës energjetike.

“Këto fonde do të përdoren për zbatimin e masave mbështetëse për energji, të cilat përfshijnë mbështetjen ndaj familjeve më në nevojë, nxitjen e kursimit për konsumatorët familjar, mbështetjen për energji efiçiente për banesa e shtëpi, mbështetjen për blerjen e paisjeve shtëpiake efiçiente, si dhe nxitjen e kursimit nga ndërmarrjet mikro, të vogla dhe të mesme”, thuhet në komunikatën për media nga kjo ministri.

Sipas komunikatës mbështetja nga Bashkimi Evropian kanalizohet përmes programit IPA 2023 për vendet e Ballkanit Perëndimor dhe Turqinë, program i cili këtë vit është dedikuar në plotëni për financim në fushën e energjisë.

“Gjatë vitit 2022 mbështetja nga Qeveria në tejkalimin e krizës energjetike ka kaluar vlerën mbi 80 milionë euro. Me disbursimin e tranzhit të parë nga BE, do të i hapet rrugë vazhdimësisë së mbështetjes ndaj qytetarëve. Tranzhi i dytë në vlerë prej 7.5 milionë euro do të disbursohet në vitin 2024”, thuhet në komunikatë. /Telegrafi/

Read Previous

Një mega-marrëveshje në Arabi, kalimi në MLS, rikthimet e ëndrrave te Barca apo Newell’s – ku qëndron e ardhmja e Messit

Read Next

​Nagavci: Siguria e nxënësve në shkolla, interes i veçantë në politikat arsimore