Kontratë për tre vite, Interi rinovon me talentin shqiptar

Interi ka në skuadër një shqiptar shumë të talentuar dhe në ditët e fundit ka qenë në negociatat të avancuara për të rinovuar kontratën dhe për t’i ofruar atij marrëveshjen e parë si profesionist.

Bëhet fjalë për Andi Hotin, i cili ka mbyllur me sukses bisedimet dhe do vazhdojë të qëndrojë në Milano. Lajmin e bëjnë të ditur mediet italiane, që shtojnë se mungon vetëm zyrtarizimi.

18-vjeçari do të firmosë kontratë për 3 vite, që do skadojë në verën e vitit 2023. Hoti mund të mbulojë disa role në fazën mbrojtëse. Sezonin e fundit ishte pjesë e Inter U19. /abcnews.al