Aksidentohet një kamion me një veturë në Gjakovë, lëndohet një person
Ish-ambasadori i Gjermanisë në Bosnje e Hercegovinë dhe ish-shefi i zyrës Gjermane në Prishtinë, Michael Schmunk, ka propozuar që Qeveria e Kosovës të vazhdojë të jetë e qetë dhe të vazhdojë të demonstrojë vullnet për të nënshkruar Marrëveshjen e Brukselit/Ohrit.
Meqë në vlerësimin e tij marrëveshja në fjalë është e mirë dhe e drejtë.
Schmunk ndër të tjera ka kërkuar që Kosova të vazhdojë të konsultohet me Shtetet e Bashkuara të Amerikës dhe Bashkimin Evropian.
“Shpresojmë që Kosova do të arrijë edhe në NATO edhe në BE sa më shpejtë që është e mundur. Mendoj se i mbetet Perëndimit që ta mbështes Kosovën ku do që është e mundur që të bëhet ky lloj përafrimi”, ka potencuar ish-diplomati gjerman në një intervistë për Radio Televizionin e Kosovës, RTK.
Ndryshe Emisari Special i Gjermanisë për Ballkanin Perëndimor, Manuel Sarrazin, në një intervistë për Radio Televizionin e Kosovës (RTK) të enjten, tha se do të kërkojë nga kryeministri i Kosovës Albin Kurti dhe presidenti i Serbisë Aleksandër Vuçiç që të jenë të gatshëm për një takim të nivelit të lartë në kuadër të dialogut për normalizimin e marrëdhënieve Prishtinë-Beograd.
“Unë do të kërkoja nga Kurti e Vuçiçi të jenë të gatshëm sa herë që ftohen për takime. E rëndësishme është që liderët të jenë të gatshëm të konkretizojnë veprimet e tyre dhe jo vetëm të ulen e të diskutojnë. Ne duam që të dyja palët të jenë kredibilë dhe t’i realizojnë marrëveshjet e dialogut”, deklaroi Sarrazini në pyetjen se kur pritet të mbahet takimi i radhës i dialogut./AlbanianPost.com
