Interi blen përfundimisht Kristjan Asllanin

Kristjan Asllani do të jetë përfundimisht futbollist i skuadrës së Inter-it.

Mesfushori kuqezi ishte në huazim te klubi zikaltër nga Empoli, derisa ata do ta aktivizojnë klauzolën e blerjes së tij për shumën e 10 milionë eurove.

Asllani iu bashkua Inter-it në verën e kaluar si huazim që iu kushtoi 4.5 milionë euro, derisa në marrëveshje ishte edhe blerja e kartonit të tij, që tani është aktivizuar.

Inter have activated the buy obligation clause for the Albanian midfielder Kristjan Asllani from Empoli – deal becomes permanent on €10m fee, confirmed. ⚫️🔵🇦🇱 #transfers

Deal also includes add-ons after agreement signed last summer. pic.twitter.com/vyW3gxuBiY— Fabrizio Romano (@FabrizioRomano) February 7, 2023

Kontrata e futbollistit të lindur në Elbasan do të jetë e vlefshme deri në verën e vitit 2027.

Kujtojmë që Asllani deri më tani ka luajtur në 20 ndeshje me nënkampionët e Italisë, por nuk ka arritur të lërë gjurmë.

Megjithatë, ai pëlqehet shumë nga trajneri i Inter-it, Simone Inzaghi dhe pritet të jetë një nga futbollistët e së ardhmes te skuadra zikaltër. /Albanianpost.com