Aksidentohet një kamion me një veturë në Gjakovë, lëndohet një person
Një grua ka mbetur e vdekur mbrëmjen e së mërkurës pas një grabitjeje të armatosur në Prishtinë, gjersa nga vetura kanë arritur të largohet burri me dy fëmijët.
Në raportin 24 orësh të Policisë së Kosovës, bëhet e ditur se rasti ka ndodhur të mërkurën rreth orës 20:26, më rrugën “Dalip Alshiqi”, në Prishtinë.
“Raportohet se viktima femër kosovare, derisa ka qenë me bashkëshortin dhe dy fëmijët e tyre me veturë, një person i panjohur i armatosur i ka ndaluar dhe ua ka kërkuar të gjitha gjërat me vlerë dhe është qëlluar me armë zjarri për vdekje. Lidhur me rastin është intervistuar bashkëshorti i saj, dëshmitari mashkull kosovar i cili kishte arritur të largohet nga vetura me dy fëmijët e tyre”, thuhet në raport.
Ndërkaq, njësit relevante policore, prokurori dhe ndihma e shpejtë urgjente kanë dalë në vendin e ngjarjes, nga mjeku është konstatuar vdekja e viktimës.
Po ashtu me urdhër të prokurorit trupi i pajetë i viktimës është dërguar në IML për obduksion. /Telegrafi/
