Fermerët e zonës së Panajasë, vetëm 10 kilometra larg Vlorës të cilët kultivojnë kryesisht vreshtari dhe ullinj, e kanë ende prodhimin në ara.
Mungesa e tregut dhe çmimet e larta të shërbimeve dhe punimeve të të mbjellave, kanë bërë që këta fermerë, ta shikojnë si të pamundur mbijetesën e tyre në fushën e bujqësisë.
Kryeplaku i Panajasë tregon mungesën e politikave mbështetëse për fermerët si dhe mungesën e vend-grumbullimit dhe magazinimit të produkteve bujqësore.
Nuk shitet malli në xhade, duhen pika grumbullimi, si e gjithë bota, po nuk vuri dorë shteti, ne jemi të falimentuar”, thotë për A2 CNN kryeplaku Jaho Alliaj.
E nëse ky prodhim bujqësor do të vijojë të kalbet në arë, vitin e ardhshëm shumë sipërfaqe toke që sot janë të mbjella, mund të gjenden djerrë. Mendohet se 50% deri në 60% të këtyre territoreve mund të prihen tashmë dhe nuk do të jenë më në funksion të bujqësisë./A2news/
