Ajo që është rënë dakord është një plan për armëpushim dhe lirimin e pengjeve, i cili mbulon vetëm një pjesë të planit të paqes me 20 pika të krijuar nga SHBA-ja.
Edhe pse është një hap i madh përpara, disa detaje kyçe janë lënë jashtë.
Në veçanti, nuk ka detaje për çarmatimin e Hamasit – një pikë kyçe në planin e Trumpit.
Hamas më herët ka refuzuar të dorëzojë armët, duke thënë se do ta bëjë këtë vetëm kur të krijohet një shtet palestinez.
E ardhmja e qeverisjes së Gazës është gjithashtu një pikë e ndjeshme.
Plani i Trumpit thotë se Hamasi nuk do të ketë rol të ardhshëm në Rripin e Gazës dhe propozon që ai të qeveriset përkohësisht nga një “komitet palestinez teknokratik e apolitik”, përpara se t’i dorëzohet Autoritetit Palestinez.
Netanyahu javën e kaluar duket se e kundërshtoi përfshirjen e Autoritetit Palestinez, edhe pse e pranoi planin e Trumpit.
Hamas tha sot: “Ne kurrë nuk do të heqim dorë nga të drejtat kombëtare të popullit tonë derisa të arrihet liria, pavarësia dhe vetëvendosja.”
/BBC/
