BE: Sanksionet e reja ndaj Iranit janë të pashmangshme

Ministrat e Jashtëm të Bashkimit Europian pritet të vendosin sanksione të reja ndaj Iranit, në përgjigje të përdorimit të dhunës kundër protestuesve paqësorë.

Në të njëjtën kohë, lufta në Ukrainë do të jetë gjithashtu në qendër të vëmendjes në takimin e sotëm të ministrave të jashtëm të BE-së në Bruksel.

Në tetor, BE vendosi paketën e re të sanksioneve kundër Teheranit, duke synuar 15 individë dhe subjekte të lidhura me 22-vjeçares Makhsa Amini, si dhe me shtypjen e protestave.

Paketa e re do të synojë individë dhe subjekte të tjera të akuzuara për abuzime të të drejtave të njeriut, me sanksione duke përfshirë ndalimin e udhëtimit dhe ngrirjen e aseteve, thanë dy diplomatë për Reuters gjatë fundjavës.

Protestat, të cilat shpërthyen pas vdekjes së Mashës më 16 shtator pas arrestimit të saj nga policia morale, janë një nga sfidat më të mëdha me të cilat është përballur Republika Islamike që nga revolucioni i vitit 1979.

Deri më tani, 336 protestues janë vrarë në trazira dhe rreth 15,100 janë është arrestuar, sipas agjencisë së lajmeve të aktivistëve HRANA.

/abcnews.al