Arrestohet një person në Prishtinë, tentoi ta transportonte një kallashnikov me autobus
Një person është arrestuar te Stacioni i Autobusëve në Prishtinë pasi i njëjti dyshohet se po tentonte ta transportonte një armë të llojit AK-47 (kallashnikov) përmes autobusit.
Sipas njoftimi të Policisë së Kosovës, ë valixhe përveç armës kishte edhe 68 fishekë.
“Është arrestuar i dyshuari mashkull kosovar pasi që i njëjti përmes një autobusi ka tentuar ta transportoj një valixhe brenda së cilës kishte një AK-47 me 68 fishekë. Lidhur me rastin arma është konfiskuar, ndërsa i dyshuari pas intervistimit me vendim të prokurorit është dërguar në mbajtje”, thuhet në njoftim.
Rasti është iniciuar si “Importi, Eksporti, Furnizimi, Transportimi, Prodhimi, Këmbimi, Ndërmjetësimi ose Shitja e Paautorizuar e Armëve apo Mjeteve Plasëse”. /Koha.net/
