Me iniciativën e drejtorit të Shkollës Fillore të Mesme të Ulët “Ukshin Miftari” në Skivjan të Gjakovës, Shefqet Dinaj dhe bashkëpunimin e mësimdhënësve të tjerë me 26 gusht të viti 2019 u krijua muzeu me eksponate të cilat kanë një rëndësi të vecantë për kombin tonë. Kështu tha drejtori i cili tregoi më tepër për këtë nismë.
Secila ngërthen nga një histori në vete, disa prej tyre Dinaj i shpjegoi edhe para kamerës së TV Syri.
Ky muze pasurohet në vazhdimësi me eksponate nga antikiteti, mesjeta e kohët moderne edhe nga ana e nxënësve. Kutia për pajë, enë të ndryshme, llampa, nallane që dikur i mbathnin gratë dhe shaptilografi që në të kaluarën luante rolin e fotokopjes së sotme sepse përmes tij shtypeshin parollat e shumta, janë vetëm disa nga gjërat antike që gjithësecili që hyn brenda këtij institucioni arsimor ka mundësi t’i shoh nga afër.
